Amos 3 עָמוֹס

¹שִׁמְע֞וּ אֶת־הַדָּבָ֣ר הַזֶּ֗ה אֲשֶׁ֨ר דִּבֶּ֧ר יְהוָ֛ה עֲלֵיכֶ֖ם בְּנֵ֣י יִשְׂרָאֵ֑ל עַ֚ל כָּל־הַמִּשְׁפָּחָ֔ה אֲשֶׁ֧ר הֶעֱלֵ֛יתִי מֵאֶ֥רֶץ מִצְרַ֖יִם לֵאמֹֽר׃

shim'u et-haddavar hazze asher dibber ADONAI alekhem bene yisra'el al kal-hammishpacha asher he'eleti me'eretz mitzrayim lemor

1Hear this word that the LORD hath spoken against you, O children of Israel, against the whole family which I brought up out of the land of Egypt, saying:

²רַ֚ק אֶתְכֶ֣ם יָדַ֔עְתִּי מִכֹּ֖ל מִשְׁפְּח֣וֹת הָאֲדָמָ֑ה עַל־כֵּן֙ אֶפְקֹ֣ד עֲלֵיכֶ֔ם אֵ֖ת כָּל־עֲוֺנֹֽתֵיכֶֽם׃

rak etkhem yada'ti mikkol mishpechot ha'adama al-ken efkod alekhem et kal-avonotekhem

2You only have I known of all the families of the earth; Therefore I will visit upon you all your iniquities.

³הֲיֵלְכ֥וּ שְׁנַ֖יִם יַחְדָּ֑ו בִּלְתִּ֖י אִם־נוֹעָֽדוּ׃

hayelkhu shenayim yachdav bilti im-no'adu

3Will two walk together, Except they have agreed?

⁴הֲיִשְׁאַ֤ג אַרְיֵה֙ בַּיַּ֔עַר וְטֶ֖רֶף אֵ֣ין ל֑וֹ הֲיִתֵּ֨ן כְּפִ֤יר קוֹלוֹ֙ מִמְּעֹ֣נָת֔וֹ בִּלְתִּ֖י אִם־לָכָֽד׃

hayish'ag arye bayya'ar veteref en lo hayitten kefir kolo mimme'onato bilti im-lakhad

4Will a lion roar in the forest, When he hath no prey? Will a young lion give forth his voice out of his den, If he have taken nothing?

⁵הֲתִפֹּ֤ל צִפּוֹר֙ עַל־פַּ֣ח הָאָ֔רֶץ וּמוֹקֵ֖שׁ אֵ֣ין לָ֑הּ הֲיַֽעֲלֶה־פַּח֙ מִן־הָ֣אֲדָמָ֔ה וְלָכ֖וֹד לֹ֥א יִלְכּֽוֹד׃

hatippol tzippor al-pach ha'aretz umokesh en lah haya'ale-pach min-ha'adama velakhod lo yilkod

5Will a bird fall in a snare upon the earth, Where there is no lure for it? Will a snare spring up from the ground, And have taken nothing at all?

⁶אִם־יִתָּקַ֤ע שׁוֹפָר֙ בְּעִ֔יר וְעָ֖ם לֹ֣א יֶחֱרָ֑דוּ אִם־תִּהְיֶ֤ה רָעָה֙ בְּעִ֔יר וַיהוָ֖ה לֹ֥א עָשָֽׂה׃

im-yittaka' shofar be'ir ve'am lo yecheradu im-tihye ra'a be'ir veADONAI lo asa

6Shall the horn be blown in a city, And the people not tremble? Shall evil befall a city, And the LORD hath not done it?

⁷כִּ֣י לֹ֧א יַעֲשֶׂ֛ה אֲדֹנָ֥י יְהוִ֖ה דָּבָ֑ר כִּ֚י אִם־גָּלָ֣ה סוֹד֔וֹ אֶל־עֲבָדָ֖יו הַנְּבִיאִֽים׃

ki lo ya'ase adonay ADONAI davar ki im-gala sodo el-avadav hannevi'im

7For the Lord GOD will do nothing, But He revealeth His counsel unto His servants the prophets.

⁸אַרְיֵ֥ה שָׁאָ֖ג מִ֣י לֹ֣א יִירָ֑א אֲדֹנָ֤י יְהוִה֙ דִּבֶּ֔ר מִ֖י לֹ֥א יִנָּבֵֽא׃

arye sha'ag mi lo yira adonay ADONAI dibber mi lo yinnave

8The lion hath roared, Who will not fear? The Lord GOD hath spoken, Who can but prophesy?

⁹הַשְׁמִ֨יעוּ֙ עַל־אַרְמְנ֣וֹת בְּאַשְׁדּ֔וֹד וְעַֽל־אַרְמְנ֖וֹת בְּאֶ֣רֶץ מִצְרָ֑יִם וְאִמְר֗וּ הֵאָֽסְפוּ֙ עַל־הָרֵ֣י שֹׁמְר֔וֹן וּרְא֞וּ מְהוּמֹ֤ת רַבּוֹת֙ בְּתוֹכָ֔הּ וַעֲשׁוּקִ֖ים בְּקִרְבָּֽהּ׃

hashmi'u al-armenot be'ashdod ve'al-armenot be'eretz mitzrayim ve'imru he'asfu al-hare shomron ureu mehumot rabbot betokhah va'ashukim bekirbah

9Proclaim it upon the palaces at Ashdod, And upon the palaces in the land of Egypt, And say: ‘Assemble yourselves upon the mountains of Samaria, And behold the great confusions therein, And the oppressions in the midst thereof.’

¹⁰וְלֹֽא־יָדְע֥וּ עֲשׂוֹת־נְכֹחָ֖ה נְאֻם־יְהוָ֑ה הָאֽוֹצְרִ֛ים חָמָ֥ס וָשֹׁ֖ד בְּאַרְמְנֽוֹתֵיהֶֽם׃

velo-yad'u asot-nekhocha ne'um-ADONAI haotzrim chamas vashod be'armenotehem

10For they know not to do right, saith the LORD, Who store up violence and robbery in their palaces.

¹¹לָכֵ֗ן כֹּ֤ה אָמַר֙ אֲדֹנָ֣י יְהוִ֔ה צַ֖ר וּסְבִ֣יב הָאָ֑רֶץ וְהוֹרִ֤ד מִמֵּךְ֙ עֻזֵּ֔ךְ וְנָבֹ֖זּוּ אַרְמְנוֹתָֽיִךְ׃

lakhen ko amar adonay ADONAI tzar useviv ha'aretz vehorid mimmekh uzzekh venavozzu armenotayikh

11Therefore thus saith the Lord GOD: An adversary, even round about the land! And he shall bring down thy strength from thee, And thy palaces shall be spoiled.

¹²כֹּה֮ אָמַ֣ר יְהוָה֒ כַּאֲשֶׁר֩ יַצִּ֨יל הָרֹעֶ֜ה מִפִּ֧י הָאֲרִ֛י שְׁתֵּ֥י כְרָעַ֖יִם א֣וֹ בְדַל־אֹ֑זֶן כֵּ֣ן יִנָּצְל֞וּ בְּנֵ֣י יִשְׂרָאֵ֗ל הַיֹּֽשְׁבִים֙ בְּשֹׁ֣מְר֔וֹן בִּפְאַ֥ת מִטָּ֖ה וּבִדְמֶ֥שֶׁק עָֽרֶשׂ׃

ko amar ADONAI ka'asher yatzil haro'e mippi ha'ari shete khera'ayim o vedal-ozen ken yinnatzlu bene yisra'el hayyoshvim beshomron bif'at mitta uvidmeshek ares

12Thus saith the LORD: As the shepherd rescueth out of the mouth of the lion Two legs, or a piece of an ear, So shall the children of Israel that dwell in Samaria Escape with the corner of a couch, and the leg of a bed.

¹³שִׁמְע֥וּ וְהָעִ֖ידוּ בְּבֵ֣ית יַֽעֲקֹ֑ב נְאֻם־אֲדֹנָ֥י יְהוִ֖ה אֱלֹהֵ֥י הַצְּבָאֽוֹת׃

shim'u veha'idu bevet ya'akov ne'um-adonay ADONAI elohe hatzevaot

13Hear ye, and testify against the house of Jacob, Saith the Lord GOD, the God of hosts.

¹⁴כִּ֗י בְּי֛וֹם פָּקְדִ֥י פִשְׁעֵֽי־יִשְׂרָאֵ֖ל עָלָ֑יו וּפָֽקַדְתִּי֙ עַל־מִזְבְּח֣וֹת בֵּֽית־אֵ֔ל וְנִגְדְּעוּ֙ קַרְנ֣וֹת הַמִּזְבֵּ֔חַ וְנָפְל֖וּ לָאָֽרֶץ׃

ki beyom pakdi fish'e-yisra'el alav ufakadti al-mizbechot bet-el venigde'u karnot hammizbeach venaflu la'aretz

14For in the day that I shall visit the transgressions of Israel upon him, I will also punish the altars of Beth-el, And the horns of the altar shall be cut off, And fall to the ground.

¹⁵וְהִכֵּיתִ֥י בֵית־הַחֹ֖רֶף עַל־בֵּ֣ית הַקָּ֑יִץ וְאָבְד֞וּ בָּתֵּ֣י הַשֵּׁ֗ן וְסָפ֛וּ בָּתִּ֥ים רַבִּ֖ים נְאֻם־יְהוָֽה׃

vehikketi vet-hachoref al-bet hakkayitz ve'avdu batte hashen vesafu battim rabbim ne'um-ADONAI

15And I will smite the winter-house with the summer-house; And the houses of ivory shall perish, And the great houses shall have an end, Saith the LORD.