2 Kings 9 מְלָכִים ב
Hebrew · transliteration · JPS 1917
1וֶאֱלִישָׁע֙ הַנָּבִ֔יא קָרָ֕א לְאַחַ֖ד מִבְּנֵ֣י הַנְּבִיאִ֑ים וַיֹּ֨אמֶר ל֜וֹ חֲגֹ֣ר מָתְנֶ֗יךָ וְ֠קַח פַּ֣ךְ הַשֶּׁ֤מֶן הַזֶּה֙ בְּיָדֶ֔ךָ וְלֵ֖ךְ רָמֹ֥ת גִּלְעָֽד׃
ve'elisha' hannavi kara le'achad mibbene hannevi'im vayyomer lo chagor matnekha vekach pakh hashemen hazze beyadekha velekh ramot gil'ad
And Elisha the prophet called one of the sons of the prophets, and said unto him: ‘Gird up thy loins, and take this vial of oil in thy hand, and go to Ramoth-gilead.
2וּבָ֖אתָ שָׁ֑מָּה וּרְאֵֽה־שָׁ֠ם יֵה֨וּא בֶן־יְהוֹשָׁפָ֜ט בֶּן־נִמְשִׁ֗י וּבָ֨אתָ֙ וַהֲקֵֽמֹתוֹ֙ מִתּ֣וֹך אֶחָ֔יו וְהֵבֵיאתָ֥ אֹת֖וֹ חֶ֥דֶר בְּחָֽדֶר׃
uvata shamma ure'e-sham yehu ven-yehoshafat ben-nimshi uvata vahakemoto mittokh echav veheveta oto cheder bechader
And when thou comest thither, look out there Jehu the son of Jehoshaphat the son of Nimshi, and go in, and make him arise up from among his brethren, and carry him to an inner chamber.
3וְלָקַחְתָּ֤ פַךְ־הַשֶּׁ֨מֶן֙ וְיָצַקְתָּ֣ עַל־רֹאשׁ֔וֹ וְאָֽמַרְתָּ֙ כֹּֽה־אָמַ֣ר יְהוָ֔ה מְשַׁחְתִּ֥יךָֽ לְמֶ֖לֶךְ אֶל־יִשְׂרָאֵ֑ל וּפָתַחְתָּ֥ הַדֶּ֛לֶת וְנַ֖סְתָּה וְלֹ֥א תְחַכֶּֽה׃
velakachta fakh-hashemen veyatzakta al-rosho ve'amarta ko-amar ADONAI meshachtikha lemelekh el-yisra'el ufatachta haddelet venasta velo techakke
Then take the vial of oil, and pour it on his head, and say: Thus saith the LORD: I have anointed thee king over Israel. Then open the door, and flee, and tarry not.’
4וַיֵּ֧לֶךְ הַנַּ֛עַר הַנַּ֥עַר הַנָּבִ֖יא רָמֹ֥ת גִּלְעָֽד׃
vayyelekh hanna'ar hanna'ar hannavi ramot gil'ad
So the young man, even the young man the prophet, went to Ramoth-gilead.
5וַיָּבֹ֗א וְהִנֵּ֨ה שָׂרֵ֤י הַחַ֨יִל֙ יֹֽשְׁבִ֔ים וַיֹּ֕אמֶר דָּבָ֥ר לִ֛י אֵלֶ֖יךָ הַשָּׂ֑ר וַיֹּ֤אמֶר יֵהוּא֙ אֶל־מִ֣י מִכֻּלָּ֔נוּ וַיֹּ֖אמֶר אֵלֶ֥יךָ הַשָּֽׂר׃
vayyavo vehinne sare hachayil yoshvim vayyomer davar li elekha hassar vayyomer yehu el-mi mikkullanu vayyomer elekha hassar
And when he came, behold, the captains of the host were sitting; and he said: ‘I have an errand to thee, O captain.’ And Jehu said: ‘Unto which of us all?’ And he said: ‘To thee, O captain.’
6וַיָּ֨קָם֙ וַיָּבֹ֣א הַבַּ֔יְתָה וַיִּצֹ֥ק הַשֶּׁ֖מֶן אֶל־רֹאשׁ֑וֹ וַיֹּ֣אמֶר ל֗וֹ כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל מְשַׁחְתִּ֧יךָֽ לְמֶ֛לֶךְ אֶל־עַ֥ם יְהוָ֖ה אֶל־יִשְׂרָאֵֽל׃
vayyakam vayyavo habbayta vayyitzok hashemen el-rosho vayyomer lo ko-amar ADONAI elohe yisra'el meshachtikha lemelekh el-am ADONAI el-yisra'el
And he arose, and went into the house; and he poured the oil on his head, and said unto him: ‘Thus saith the LORD, the God of Israel: I have anointed thee king over the people of the LORD, even over Israel.
7וְהִ֨כִּיתָ֔ה אֶת־בֵּ֥ית אַחְאָ֖ב אֲדֹנֶ֑יךָ וְנִקַּמְתִּ֞י דְּמֵ֣י ׀ עֲבָדַ֣י הַנְּבִיאִ֗ים וּדְמֵ֛י כָּל־עַבְדֵ֥י יְהוָ֖ה מִיַּ֥ד אִיזָֽבֶל׃
vehikkita et-bet ach'av adonekha venikkamti deme avaday hannevi'im udeme kal-avde ADONAI miyyad izavel
And thou shalt smite the house of Ahab thy master, that I may avenge the blood of My servants the prophets, and the blood of all the servants of the LORD, at the hand of Jezebel.
8וְאָבַ֖ד כָּל־בֵּ֣ית אַחְאָ֑ב וְהִכְרַתִּ֤י לְאַחְאָב֙ מַשְׁתִּ֣ין בְּקִ֔יר וְעָצ֥וּר וְעָז֖וּב בְּיִשְׂרָאֵֽל׃
ve'avad kal-bet ach'av vehikhratti le'ach'av mashtin bekir ve'atzur ve'azuv beyisra'el
For the whole house of Ahab shall perish; and I will cut off from Ahab every man-child, and him that is shut up and him that is left at large in Israel.
9וְנָֽתַתִּי֙ אֶת־בֵּ֣ית אַחְאָ֔ב כְּבֵ֖ית יָרָבְעָ֣ם בֶּן־נְבָ֑ט וּכְבֵ֖ית בַּעְשָׁ֥א בֶן־אֲחִיָּֽה׃
venatatti et-bet ach'av kevet yarav'am ben-nevat ukhevet ba'sha ven-achiyya
And I will make the house of Ahab like the house of Jeroboam the son of Nebat, and like the house of Baasa the son of Ahijah.
10וְאֶת־אִיזֶ֜בֶל יֹאכְל֧וּ הַכְּלָבִ֛ים בְּחֵ֥לֶק יִזְרְעֶ֖אל וְאֵ֣ין קֹבֵ֑ר וַיִּפְתַּ֥ח הַדֶּ֖לֶת וַיָּנֹֽס׃
ve'et-izevel yokhlu hakkelavim bechelek yizre'el ve'en kover vayyiftach haddelet vayyanos
And the dogs shall eat Jezebel in the portion of Jezreel, and there shall be none to bury her.’ And he opened the door, and fled.
11וְיֵה֗וּא יָצָא֙ אֶל־עַבְדֵ֣י אֲדֹנָ֔יו וַיֹּ֤אמֶר לוֹ֙ הֲשָׁל֔וֹם מַדּ֛וּעַ בָּֽא־הַמְשֻׁגָּ֥ע הַזֶּ֖ה אֵלֶ֑יךָ וַיֹּ֣אמֶר אֲלֵיהֶ֔ם אַתֶּ֛ם יְדַעְתֶּ֥ם אֶת־הָאִ֖ישׁ וְאֶת־שִׂיחֽוֹ׃
veyehu yatza el-avde adonav vayyomer lo hashalom maddua ba-hamshugga' hazze elekha vayyomer alehem attem yeda'tem et-ha'ish ve'et-sicho
Then Jehu came forth to the servants of his lord; and one said unto him: ‘Is all well? wherefore came this mad fellow to thee?’ And he said unto them: ‘Ye know the man and what his talk was.’
12וַיֹּאמְר֣וּ שֶׁ֔קֶר הַגֶּד־נָ֖א לָ֑נוּ וַיֹּ֗אמֶר כָּזֹ֤את וְכָזֹאת֙ אָמַ֤ר אֵלַי֙ לֵאמֹ֔ר כֹּ֚ה אָמַ֣ר יְהוָ֔ה מְשַׁחְתִּ֥יךָֽ לְמֶ֖לֶךְ אֶל־יִשְׂרָאֵֽל׃
vayyomru sheker hagged-na lanu vayyomer kazot vekhazot amar elay lemor ko amar ADONAI meshachtikha lemelekh el-yisra'el
And they said: ‘It is false; tell us now.’ And he said: ‘Thus and thus spoke he to me, saying: Thus saith the LORD: I have anointed thee king over Israel.’
13וַֽיְמַהֲר֗וּ וַיִּקְחוּ֙ אִ֣ישׁ בִּגְד֔וֹ וַיָּשִׂ֥ימוּ תַחְתָּ֖יו אֶל־גֶּ֣רֶם הַֽמַּעֲל֑וֹת וַֽיִּתְקְעוּ֙ בַּשּׁוֹפָ֔ר וַיֹּאמְר֖וּ מָלַ֥ךְ יֵהֽוּא׃
vaymaharu vayyikchu ish bigdo vayyasimu tachtav el-gerem hamma'alot vayyitke'u bashofar vayyomru malakh yehu
Then they hastened, and took every man his garment, and put it under him on the top of the stairs, and blew the horn, saying: ‘Jehu is king.’
14וַיִּתְקַשֵּׁ֗ר יֵה֛וּא בֶּן־יְהוֹשָׁפָ֥ט בֶּן־נִמְשִׁ֖י אֶל־יוֹרָ֑ם וְיוֹרָם֩ הָיָ֨ה שֹׁמֵ֜ר בְּרָמֹ֣ת גִּלְעָ֗ד ה֚וּא וְכָל־יִשְׂרָאֵ֔ל מִפְּנֵ֥י חֲזָאֵ֖ל מֶֽלֶךְ־אֲרָֽם׃
vayyitkasher yehu ben-yehoshafat ben-nimshi el-yoram veyoram haya shomer beramot gil'ad hu vekhal-yisra'el mippene chaza'el melekh-aram
So Jehu the son of Jehoshaphat the son of Nimshi conspired against Joram.—Now Joram had been guarding Ramoth-gilead, he and all Israel, because of Hazael king of Aram;
15וַיָּשָׁב֩ יְהוֹרָ֨ם הַמֶּ֜לֶךְ לְהִתְרַפֵּ֣א בִיְזְרְעֶ֗אל מִן־הַמַּכִּים֙ אֲשֶׁ֣ר יַכֻּ֣הוּ אֲרַמִּ֔ים בְּהִלָּ֣חֲמ֔וֹ אֶת־חֲזָאֵ֖ל מֶ֣לֶךְ אֲרָ֑ם וַיֹּ֤אמֶר יֵהוּא֙ אִם־יֵ֣שׁ נַפְשְׁכֶ֔ם אַל־יֵצֵ֤א פָלִיט֙ מִן־הָעִ֔יר לָלֶ֖כֶת לגיד [לְהַגִּ֥יד] בְּיִזְרְעֶֽאל׃
vayyashav yehoram hammelekh lehitrappe viyzere'el min-hammakkim asher yakkuhu arammim behillachamo et-chaza'el melekh aram vayyomer yehu im-yesh nafshekhem al-yetze falit min-ha'ir lalekhet lehaggid beyizre'el
but king Joram was returned to be healed in Jezreel of the wounds which the Arameans had given him, when he fought with Hazael king of Aram.—And Jehu said: ‘If this be your mind, then let none escape and go forth out of the city, to go to tell it in Jezreel.’
16וַיִּרְכַּ֤ב יֵהוּא֙ וַיֵּ֣לֶךְ יִזְרְעֶ֔אלָה כִּ֥י יוֹרָ֖ם שֹׁכֵ֣ב שָׁ֑מָּה וַֽאֲחַזְיָה֙ מֶ֣לֶךְ יְהוּדָ֔ה יָרַ֖ד לִרְא֥וֹת אֶת־יוֹרָֽם׃
vayyirkav yehu vayyelekh yizre'ela ki yoram shokhev shamma va'achazya melekh yehuda yarad lirot et-yoram
So Jehu rode in a chariot, and went to Jezreel; for Joram lay there. And Ahaziah king of Judah was come down to see Joram.
17וְהַצֹּפֶה֩ עֹמֵ֨ד עַֽל־הַמִּגְדָּ֜ל בְּיִזְרְעֶ֗אל וַיַּ֞רְא אֶת־שִׁפְעַ֤ת יֵהוּא֙ בְּבֹא֔וֹ וַיֹּ֕אמֶר שִׁפְעַ֖ת אֲנִ֣י רֹאֶ֑ה וַיֹּ֣אמֶר יְהוֹרָ֗ם קַ֥ח רַכָּ֛ב וּֽשְׁלַ֥ח לִקְרָאתָ֖ם וְיֹאמַ֥ר הֲשָׁלֽוֹם׃
vehatzofe omed al-hammigdal beyizre'el vayyar et-shif'at yehu bevoo vayyomer shif'at ani ro'e vayyomer yehoram kach rakkav ushelach likratam veyomar hashalom
Now the watchman stood on the tower in Jezreel, and he spied the company of Jehu as he came, and said: ‘I see a company.’ And Joram said: ‘Take a horseman, and send to meet them, and let him say: Is it peace?’
18וַיֵּלֶךְ֩ רֹכֵ֨ב הַסּ֜וּס לִקְרָאת֗וֹ וַיֹּ֨אמֶר֙ כֹּֽה־אָמַ֤ר הַמֶּ֨לֶךְ֙ הֲשָׁל֔וֹם וַיֹּ֧אמֶר יֵה֛וּא מַה־לְּךָ֥ וּלְשָׁל֖וֹם סֹ֣ב אֶֽל־אַחֲרָ֑י וַיַּגֵּ֤ד הַצֹּפֶה֙ לֵאמֹ֔ר בָּֽא־הַמַּלְאָ֥ךְ עַד־הֵ֖ם וְלֹֽא־שָֽׁב׃
vayyelekh rokhev hassus likrato vayyomer ko-amar hammelekh hashalom vayyomer yehu ma-lekha uleshalom sov el-acharay vayyagged hatzofe lemor ba-hammal'akh ad-hem velo-shav
So there went one on horseback to meet him, and said: ‘Thus saith the king: Is it peace?’ And Jehu said: ‘What hast thou to do with peace? turn thee behind me.’ And the watchman told, saying: ‘The messenger came to them, but he cometh not back.’
19וַיִּשְׁלַ֗ח רֹכֵ֣ב סוּס֮ שֵׁנִי֒ וַיָּבֹ֣א אֲלֵהֶ֔ם וַיֹּ֛אמֶר כֹּֽה־אָמַ֥ר הַמֶּ֖לֶךְ שָׁל֑וֹם וַיֹּ֧אמֶר יֵה֛וּא מַה־לְּךָ֥ וּלְשָׁל֖וֹם סֹ֥ב אֶֽל־אַחֲרָֽי׃
vayyishlach rokhev sus sheni vayyavo alehem vayyomer ko-amar hammelekh shalom vayyomer yehu ma-lekha uleshalom sov el-acharay
Then he sent out a second on horseback, who came to them, and said: ‘Thus saith the king: Is it peace?’ And Jehu answered: ‘What hast thou to do with peace? turn thee behind me.’
20וַיַּגֵּ֤ד הַצֹּפֶה֙ לֵאמֹ֔ר בָּ֥א עַד־אֲלֵיהֶ֖ם וְלֹֽא־שָׁ֑ב וְהַמִּנְהָ֗ג כְּמִנְהַג֙ יֵה֣וּא בֶן־נִמְשִׁ֔י כִּ֥י בְשִׁגָּע֖וֹן יִנְהָֽג׃
vayyagged hatzofe lemor ba ad-alehem velo-shav vehamminhag keminhag yehu ven-nimshi ki veshigga'on yinhag
And the watchman told, saying: ‘He came even unto them, and cometh not back; and the driving is like the driving of Jehu the son of Nimshi; for he driveth furiously.’
21וַיֹּ֤אמֶר יְהוֹרָם֙ אֱסֹ֔ר וַיֶּאְסֹ֖ר רִכְבּ֑וֹ וַיֵּצֵ֣א יְהוֹרָ֣ם מֶֽלֶךְ־יִ֠שְׂרָאֵל וַאֲחַזְיָ֨הוּ מֶֽלֶךְ־יְהוּדָ֜ה אִ֣ישׁ בְּרִכְבּ֗וֹ וַיֵּֽצְאוּ֙ לִקְרַ֣את יֵה֔וּא וַיִּמְצָאֻ֔הוּ בְּחֶלְקַ֖ת נָב֥וֹת הַיִּזְרְעֵאלִֽי׃
vayyomer yehoram esor vayye'sor rikhbo vayyetze yehoram melekh-yisra'el va'achazyahu melekh-yehuda ish berikhbo vayyetzu likrat yehu vayyimtza'uhu bechelkat navot hayyizre'eli
And Joram said: ‘Make ready.’ And they made ready his chariot. And Joram king of Israel and Ahaziah king of Judah went out, each in his chariot, and they went out to meet Jehu, and found him in the portion of Naboth the Jezreelite.
22וַיְהִ֗י כִּרְא֤וֹת יְהוֹרָם֙ אֶת־יֵה֔וּא וַיֹּ֖אמֶר הֲשָׁל֣וֹם יֵה֑וּא וַיֹּ֨אמֶר֙ מָ֣ה הַשָּׁל֔וֹם עַד־זְנוּנֵ֞י אִיזֶ֧בֶל אִמְּךָ֛ וּכְשָׁפֶ֖יהָ הָרַבִּֽים׃
vayhi kirot yehoram et-yehu vayyomer hashalom yehu vayyomer ma hashalom ad-zenune izevel immekha ukheshafeha harabbim
And it came to pass, when Joram saw Jehu, that he said: ‘Is it peace, Jehu?’ And he answered: ‘What peace, so long as the harlotries of thy mother Jezebel and her witchcrafts are so many?’
23וַיַּהֲפֹ֧ךְ יְהוֹרָ֛ם יָדָ֖יו וַיָּנֹ֑ס וַיֹּ֥אמֶר אֶל־אֲחַזְיָ֖הוּ מִרְמָ֥ה אֲחַזְיָֽה׃
vayyahafokh yehoram yadav vayyanos vayyomer el-achazyahu mirma achazya
And Joram turned his hands, and fled, and said to Ahaziah: ‘There is treachery, O Ahaziah.’
24וְיֵה֞וּא מִלֵּ֧א יָד֣וֹ בַקֶּ֗שֶׁת וַיַּ֤ךְ אֶת־יְהוֹרָם֙ בֵּ֣ין זְרֹעָ֔יו וַיֵּצֵ֥א הַחֵ֖צִי מִלִּבּ֑וֹ וַיִּכְרַ֖ע בְּרִכְבּֽוֹ׃
veyehu mille yado vakkeshet vayyakh et-yehoram ben zero'av vayyetze hachetzi millibbo vayyikhra' berikhbo
And Jehu drew his bow with his full strength, and smote Joram between his arms, and the arrow went out at his heart, and he sunk down in his chariot.
25וַיֹּ֗אמֶר אֶל־בִּדְקַר֙ שלשה [שָֽׁלִשׁ֔וֹ] שָׂ֚א הַשְׁלִכֵ֔הוּ בְּחֶלְקַ֕ת שְׂדֵ֖ה נָב֣וֹת הַיִּזְרְעֵאלִ֑י כִּֽי־זְכֹ֞ר אֲנִ֣י וָאַ֗תָּה אֵ֣ת רֹכְבִ֤ים צְמָדִים֙ אַֽחֲרֵי֙ אַחְאָ֣ב אָבִ֔יו וַֽיהוָה֙ נָשָׂ֣א עָלָ֔יו אֶת־הַמַּשָּׂ֖א הַזֶּֽה׃
vayyomer el-bidkar shalisho sa hashlikhehu bechelkat sede navot hayyizre'eli ki-zekhor ani va'atta et rokhvim tzemadim achare ach'av aviv veADONAI nasa alav et-hammassa hazze
Then said [Jehu] to Bidkar his captain: ‘Take up, and cast him in the portion of the field of Naboth the Jezreelite; for remember how that, when I and thou rode together after Ahab his father, the LORD pronounced this burden against him:
26אִם־לֹ֡א אֶת־דְּמֵ֣י נָבוֹת֩ וְאֶת־דְּמֵ֨י בָנָ֜יו רָאִ֤יתִי אֶ֨מֶשׁ֙ נְאֻם־יְהוָ֔ה וְשִׁלַּמְתִּ֥י לְךָ֛ בַּחֶלְקָ֥ה הַזֹּ֖את נְאֻם־יְהוָ֑ה וְעַתָּ֗ה שָׂ֧א הַשְׁלִכֵ֛הוּ בַּחֶלְקָ֖ה כִּדְבַ֥ר יְהוָֽה׃
im-lo et-deme navot ve'et-deme vanav ra'iti emesh ne'um-ADONAI veshillamti lekha bachelka hazzot ne'um-ADONAI ve'atta sa hashlikhehu bachelka kidvar ADONAI
Surely I have seen yesterday the blood of Naboth, and the blood of his sons, saith the LORD; and I will requite thee in this plot, saith the LORD. Now therefore take and cast him into the plot of ground, according to the word of the LORD.’
27וַאֲחַזְיָ֤ה מֶֽלֶךְ־יְהוּדָה֙ רָאָ֔ה וַיָּ֕נָס דֶּ֖רֶךְ בֵּ֣ית הַגָּ֑ן וַיִּרְדֹּ֨ף אַחֲרָ֜יו יֵה֗וּא וַ֠יֹּאמֶר גַּם־אֹת֞וֹ הַכֻּ֣הוּ אֶל־הַמֶּרְכָּבָ֗ה בְּמַֽעֲלֵה־גוּר֙ אֲשֶׁ֣ר אֶֽת־יִבְלְעָ֔ם וַיָּ֥נָס מְגִדּ֖וֹ וַיָּ֥מָת שָֽׁם׃
va'achazya melekh-yehuda ra'a vayyanas derekh bet haggan vayyirdof acharav yehu vayyomer gam-oto hakkuhu el-hammerkava bema'ale-gur asher et-yivle'am vayyanas megiddo vayyamat sham
But when Ahaziah the king of Judah saw this, he fled by the way of the garden-house. And Jehu followed after him, and said: ‘Smite him also in the chariot’; [and they smote him] at the ascent of Gur, which is by Ibleam. And he fled to Megiddo, and died there.
28וַיַּרְכִּ֧בוּ אֹת֛וֹ עֲבָדָ֖יו יְרוּשָׁלְָ֑מָה וַיִּקְבְּר֨וּ אֹת֧וֹ בִקְבֻרָת֛וֹ עִם־אֲבֹתָ֖יו בְּעִ֥יר דָּוִֽד׃
vayyarkivu oto avadav yerushalama vayyikberu oto vikvurato im-avotav be'ir david
And his servants carried him in a chariot to Jerusalem, and buried him in his sepulchre with his fathers in the city of David.
29וּבִשְׁנַת֙ אַחַ֣ת עֶשְׂרֵ֣ה שָׁנָ֔ה לְיוֹרָ֖ם בֶּן־אַחְאָ֑ב מָלַ֥ךְ אֲחַזְיָ֖ה עַל־יְהוּדָֽה׃
uvishnat achat esre shana leyoram ben-ach'av malakh achazya al-yehuda
And in the eleventh year of Joram the son of Ahab began Ahaziah to reign over Judah.
30וַיָּב֥וֹא יֵה֖וּא יִזְרְעֶ֑אלָה וְאִיזֶ֣בֶל שָׁמְעָ֗ה וַתָּ֨שֶׂם בַּפּ֤וּךְ עֵינֶ֨יהָ֙ וַתֵּ֣יטֶב אֶת־רֹאשָׁ֔הּ וַתַּשְׁקֵ֖ף בְּעַ֥ד הַחַלּֽוֹן׃
vayyavo yehu yizre'ela ve'izevel sham'a vattasem bappukh eneha vattetev et-roshah vattashkef be'ad hachallon
And when Jehu was come to Jezreel, Jezebel heard of it; and she painted her eyes, and attired her head, and looked out at the window.
31וְיֵה֖וּא בָּ֣א בַשָּׁ֑עַר וַתֹּ֣אמֶר הֲשָׁל֔וֹם זִמְרִ֖י הֹרֵ֥ג אֲדֹנָֽיו׃
veyehu ba vasha'ar vattomer hashalom zimri horeg adonav
And as Jehu entered in at the gate, she said: ‘Is it peace, thou Zimri, thy master’s murderer?’
32וַיִּשָּׂ֤א פָנָיו֙ אֶל־הַ֣חַלּ֔וֹן וַיֹּ֕אמֶר מִ֥י אִתִּ֖י מִ֑י וַיַּשְׁקִ֣יפוּ אֵלָ֔יו שְׁנַ֥יִם שְׁלֹשָׁ֖ה סָרִיסִֽים׃
vayyissa fanav el-hachallon vayyomer mi itti mi vayyashkifu elav shenayim shelosha sarisim
And he lifted up his face to the window, and said: ‘Who is on my side? who?’ And there looked out to him two or three officers.
33וַיֹּ֥אמֶר שמטהו [שִׁמְט֖וּהָ] וַֽיִּשְׁמְט֑וּהָ וַיִּ֨ז מִדָּמָ֧הּ אֶל־הַקִּ֛יר וְאֶל־הַסּוּסִ֖ים וַֽיִּרְמְסֶֽנָּה׃
vayyomer shimtuha vayyishmetuha vayyiz middamah el-hakkir ve'el-hassusim vayyirmesenna
And he said: ‘Throw her down.’ So they threw her down; and some of her blood was sprinkled on the wall, and on the horses; and she was trodden under foot.
34וַיָּבֹ֖א וַיֹּ֣אכַל וַיֵּ֑שְׁתְּ וַיֹּ֗אמֶר פִּקְדוּ־נָ֞א אֶת־הָאֲרוּרָ֤ה הַזֹּאת֙ וְקִבְר֔וּהָ כִּ֥י בַת־מֶ֖לֶךְ הִֽיא׃
vayyavo vayyokhal vayyesht vayyomer pikdu-na et-ha'arura hazzot vekivruha ki vat-melekh hi
And when he was come in, he did eat and drink; and he said: ‘Look now after this cursed woman, and bury her; for she is a king’s daughter.’
35וַיֵּלְכ֖וּ לְקָבְרָ֑הּ וְלֹא־מָ֣צְאוּ בָ֗הּ כִּ֧י אִם־הַגֻּלְגֹּ֛לֶת וְהָרַגְלַ֖יִם וְכַפּ֥וֹת הַיָּדָֽיִם׃
vayyelkhu lekavrah velo-matzu vah ki im-haggulgolet veharaglayim vekhappot hayyadayim
And they went to bury her; but they found no more of her than the skull, and the feet, and the palms of her hands.
36וַיָּשֻׁבוּ֮ וַיַּגִּ֣ידוּ לוֹ֒ וַיֹּ֨אמֶר֙ דְּבַר־יְהוָ֣ה ה֔וּא אֲשֶׁ֣ר דִּבֶּ֗ר בְּיַד־עַבְדּ֛וֹ אֵלִיָּ֥הוּ הַתִּשְׁבִּ֖י לֵאמֹ֑ר בְּחֵ֣לֶק יִזְרְעֶ֔אל יֹאכְל֥וּ הַכְּלָבִ֖ים אֶת־בְּשַׂ֥ר אִיזָֽבֶל׃
vayyashuvu vayyaggidu lo vayyomer devar-ADONAI hu asher dibber beyad-avdo eliyyahu hattishbi lemor bechelek yizre'el yokhlu hakkelavim et-besar izavel
Wherefore they came back, and told him. And he said: ‘This is the word of the LORD, which He spoke by His servant Elijah the Tishbite, saying: In the portion of Jezreel shall the dogs eat the flesh of Jezebel;
37והית [וְֽהָיְתָ֞ה] נִבְלַ֣ת אִיזֶ֗בֶל כְּדֹ֛מֶן עַל־פְּנֵ֥י הַשָּׂדֶ֖ה בְּחֵ֣לֶק יִזְרְעֶ֑אל אֲשֶׁ֥ר לֹֽא־יֹאמְר֖וּ זֹ֥את אִיזָֽבֶל׃
vehayta nivlat izevel kedomen al-pene hassade bechelek yizre'el asher lo-yomru zot izavel
and the carcass of Jezebel shall be as dung upon the face of the field in the portion of Jezreel; so that they shall not say: This is Jezebel.’
Sister sites
Hebrew: Westminster Leningrad Codex (ketiv shown with the qere in brackets). JPS 1917 and the Hebrew use Hebrew verse numbers; the English column uses English numbering, which sometimes differs by a verse.