2 Chronicles 11 דִּבְרֵי הַיָּמִים ב

¹וַיָּבֹ֣א רְחַבְעָם֮ יְרוּשָׁלִַם֒ וַיַּקְהֵל֩ אֶת־בֵּ֨ית יְהוּדָ֜ה וּבִנְיָמִ֗ן מֵאָ֨ה וּשְׁמוֹנִ֥ים אֶ֛לֶף בָּח֖וּר עֹשֵׂ֣ה מִלְחָמָ֑ה לְהִלָּחֵם֙ עִם־יִשְׂרָאֵ֔ל לְהָשִׁ֥יב אֶת־הַמַּמְלָכָ֖ה לִרְחַבְעָֽם׃

vayyavo rechav'am yerushalam vayyakhel et-bet yehuda uvinyamin me'a ushemonim elef bachur ose milchama lehillachem im-yisra'el lehashiv et-hammamlakha lirchav'am

1And when Rehoboam was come to Jerusalem, he assembled the house of Judah and Benjamin, a hundred and fourscore thousand chosen men, that were warriors, to fight against Israel, to bring the kingdom back to Rehoboam.

²וַיְהִי֙ דְּבַר־יְהוָ֔ה אֶל־שְׁמַֽעְיָ֥הוּ אִישׁ־הָאֱלֹהִ֖ים לֵאמֹֽר׃

vayhi devar-ADONAI el-shema'yahu ish-ha'elohim lemor

2But the word of the LORD came to Shemaiah the man of God, saying:

³אֱמֹ֕ר אֶל־רְחַבְעָ֥ם בֶּן־שְׁלֹמֹ֖ה מֶ֣לֶךְ יְהוּדָ֑ה וְאֶל֙ כָּל־יִשְׂרָאֵ֔ל בִּיהוּדָ֥ה וּבִנְיָמִ֖ן לֵאמֹֽר׃

emor el-rechav'am ben-shelomo melekh yehuda ve'el kal-yisra'el bihuda uvinyamin lemor

3’Speak unto Rehoboam the son of Solomon, king of Judah, and to all Israel in Judah and Benjamin, saying:

⁴כֹּ֣ה אָמַ֣ר יְהוָ֡ה לֹא־תַעֲלוּ֩ וְלֹא־תִלָּ֨חֲמ֜וּ עִם־אֲחֵיכֶ֗ם שׁ֚וּבוּ אִ֣ישׁ לְבֵית֔וֹ כִּ֧י מֵֽאִתִּ֛י נִהְיָ֖ה הַדָּבָ֣ר הַזֶּ֑ה וַֽיִּשְׁמְעוּ֙ אֶת־דִּבְרֵ֣י יְהוָ֔ה וַיָּשֻׁ֖בוּ מִלֶּ֥כֶת אֶל־יָרָבְעָֽם׃

ko amar ADONAI lo-ta'alu velo-tillachamu im-achekhem shuvu ish leveto ki me'itti nihya haddavar hazze vayyishme'u et-divre ADONAI vayyashuvu millekhet el-yarav'am

4Thus saith the LORD: Ye shall not go up, nor fight against your brethren; return every man to his house, for this thing is of Me.’ So they hearkened unto the words of the LORD, and returned from going against Jeroboam.

⁵וַיֵּ֥שֶׁב רְחַבְעָ֖ם בִּירוּשָׁלִָ֑ם וַיִּ֧בֶן עָרִ֛ים לְמָצ֖וֹר בִּיהוּדָֽה׃

vayyeshev rechav'am birushalam vayyiven arim lematzor bihuda

5And Rehoboam dwelt in Jerusalem, and built cities for defence in Judah.

⁶וַיִּ֧בֶן אֶת־בֵּֽית־לֶ֛חֶם וְאֶת־עֵיטָ֖ם וְאֶת־תְּקֽוֹעַ׃

vayyiven et-bet-lechem ve'et-etam ve'et-tekoa

6He built even Beth-lehem, and Etam, and Tekoa,

⁷וְאֶת־בֵּֽית־צ֥וּר וְאֶת־שׂוֹכ֖וֹ וְאֶת־עֲדֻלָּֽם׃

ve'et-bet-tzur ve'et-sokho ve'et-adullam

7and Beth-zur, and Soco, and Adullam,

⁸וְאֶת־גַּ֥ת וְאֶת־מָרֵשָׁ֖ה וְאֶת־זִֽיף׃

ve'et-gat ve'et-maresha ve'et-zif

8and Gath, and Mareshah, and Ziph,

⁹וְאֶת־אֲדוֹרַ֥יִם וְאֶת־לָכִ֖ישׁ וְאֶת־עֲזֵקָֽה׃

ve'et-adorayim ve'et-lakhish ve'et-azeka

9and Adoraim, and Lachish, and Azekah,

¹⁰וְאֶת־צָרְעָה֙ וְאֶת־אַיָּל֔וֹן וְאֶת־חֶבְר֔וֹן אֲשֶׁ֥ר בִּיהוּדָ֖ה וּבְבִנְיָמִ֑ן עָרֵ֖י מְצֻרֽוֹת׃

ve'et-tzar'a ve'et-ayyalon ve'et-chevron asher bihuda uvevinyamin are metzurot

10and Zorah, and Aijalon, and Hebron, which are in Judah and in Benjamin, fortified cities.

¹¹וַיְחַזֵּ֖ק אֶת־הַמְּצֻר֑וֹת וַיִּתֵּ֤ן בָּהֶם֙ נְגִידִ֔ים וְאֹצְר֥וֹת מַאֲכָ֖ל וְשֶׁ֥מֶן וָיָֽיִן׃

vaychazzek et-hammetzurot vayyitten bahem negidim ve'otzrot ma'akhal veshemen vayayin

11And he fortified the strongholds, and put captains in them, and store of victual, and oil and wine.

¹²וּבְכָל־עִ֤יר וָעִיר֙ צִנּ֣וֹת וּרְמָחִ֔ים וַֽיְחַזְּקֵ֖ם לְהַרְבֵּ֣ה מְאֹ֑ד וַיְהִי־ל֖וֹ יְהוּדָ֥ה וּבִנְיָמִֽן׃

uvekhal-ir va'ir tzinnot uremachim vaychazzekem leharbe me'od vayhi-lo yehuda uvinyamin

12And in every city he put shields and spears, and made them exceeding strong. And Judah and Benjamin adhered to him.

¹³וְהַכֹּהֲנִים֙ וְהַלְוִיִּ֔ם אֲשֶׁ֖ר בְּכָל־יִשְׂרָאֵ֑ל הִֽתְיַצְּב֥וּ עָלָ֖יו מִכָּל־גְּבוּלָֽם׃

vehakkohanim vehalviyyim asher bekhal-yisra'el hityatzevu alav mikkal-gevulam

13And the priests and the Levites that were in all Israel presented themselves to him out of all their border.

¹⁴כִּֽי־עָזְב֣וּ הַלְוִיִּ֗ם אֶת־מִגְרְשֵׁיהֶם֙ וַאֲחֻזָּתָ֔ם וַיֵּלְכ֥וּ לִיהוּדָ֖ה וְלִֽירוּשָׁלִָ֑ם כִּֽי־הִזְנִיחָ֤ם יָֽרָבְעָם֙ וּבָנָ֔יו מִכַּהֵ֖ן לַיהוָֽה׃

ki-azvu halviyyim et-migreshehem va'achuzzatam vayyelkhu lihuda velirushalam ki-hiznicham yarav'am uvanav mikkahen laADONAI

14For the Levites left their open land and their possession, and came to Judah and Jerusalem; for Jeroboam and his sons cast them off, that they should not execute the priest’s office unto the LORD;

¹⁵וַיַּֽעֲמֶד־לוֹ֙ כֹּֽהֲנִ֔ים לַבָּמ֖וֹת וְלַשְּׂעִירִ֑ים וְלָעֲגָלִ֖ים אֲשֶׁ֥ר עָשָֽׂה׃

vayya'amed-lo kohanim labbamot velasse'irim vela'agalim asher asa

15and he appointed him priests for the high places, and for the satyrs, and for the calves which he had made.

¹⁶וְאַחֲרֵיהֶ֗ם מִכֹּל֙ שִׁבְטֵ֣י יִשְׂרָאֵ֔ל הַנֹּֽתְנִים֙ אֶת־לְבָבָ֔ם לְבַקֵּ֕שׁ אֶת־יְהוָ֖ה אֱלֹהֵ֣י יִשְׂרָאֵ֑ל בָּ֚אוּ יְר֣וּשָׁלִַ֔ם לִזְבּ֕וֹחַ לַיהוָ֖ה אֱלֹהֵ֥י אֲבוֹתֵיהֶֽם׃

ve'acharehem mikkol shivte yisra'el hannotnim et-levavam levakkesh et-ADONAI elohe yisra'el bau yerushalam lizboach laADONAI elohe avotehem

16And after them, out of all the tribes of Israel, such as set their hearts to seek the LORD, the God of Israel, came to Jerusalem to sacrifice unto the LORD, the God of their fathers.

¹⁷וַֽיְחַזְּקוּ֙ אֶת־מַלְכ֣וּת יְהוּדָ֔ה וַֽיְאַמְּצ֛וּ אֶת־רְחַבְעָ֥ם בֶּן־שְׁלֹמֹ֖ה לְשָׁנִ֣ים שָׁל֑וֹשׁ כִּ֣י הָֽלְכ֗וּ בְּדֶ֧רֶךְ דָּוִ֛יד וּשְׁלֹמֹ֖ה לְשָׁנִ֥ים שָׁלֽוֹשׁ׃

vaychazzeku et-malkhut yehuda vay'ammetzu et-rechav'am ben-shelomo leshanim shalosh ki halkhu bederekh david ushelomo leshanim shalosh

17So they strengthened the kingdom of Judah, and made Rehoboam the son of Solomon strong, three years; for they walked three years in the way of David and Solomon.

¹⁸וַיִּֽקַּֽח־ל֤וֹ רְחַבְעָם֙ אִשָּׁ֔ה אֶת־מָ֣חֲלַ֔ת בן [בַּת]־יְרִימ֖וֹת בֶּן־דָּוִ֑יד אֲבִיהַ֕יִל בַּת־אֱלִיאָ֖ב בֶּן־יִשָֽׁי׃

vayyikkach-lo rechav'am isha et-machalat bat-yerimot ben-david avihayil bat-eli'av ben-yishay

18And Rehoboam took him a wife, Mahalath the daughter of Jerimoth the son of David, and of Abihail the daughter of Eliab the son of Jesse;

¹⁹וַתֵּ֥לֶד ל֖וֹ בָּנִ֑ים אֶת־יְע֥וּשׁ וְאֶת־שְׁמַרְיָ֖ה וְאֶת־זָֽהַם׃

vatteled lo banim et-ye'ush ve'et-shemarya ve'et-zaham

19and she bore him sons: Jeush, and Shemariah, and Zaham.

²⁰וְאַחֲרֶ֣יהָ לָקַ֔ח אֶֽת־מַעֲכָ֖ה בַּת־אַבְשָׁל֑וֹם וַתֵּ֣לֶד ל֗וֹ אֶת־אֲבִיָּה֙ וְאֶת־עַתַּ֔י וְאֶת־זִיזָ֖א וְאֶת־שְׁלֹמִֽית׃

ve'achareha lakach et-ma'akha bat-avshalom vatteled lo et-aviyya ve'et-attay ve'et-ziza ve'et-shelomit

20And after her he took Maacah the daughter of Absalom; and she bore him Abijah, and Attai, and Ziza, and Shelomith.

²¹וַיֶּאֱהַ֨ב רְחַבְעָ֜ם אֶת־מַעֲכָ֣ה בַת־אַבְשָׁל֗וֹם מִכָּל־נָשָׁיו֙ וּפִ֣ילַגְשָׁ֔יו כִּ֠י נָשִׁ֤ים שְׁמוֹנֶֽה־עֶשְׂרֵה֙ נָשָׂ֔א וּפִֽילַגְשִׁ֖ים שִׁשִּׁ֑ים וַיּ֗וֹלֶד עֶשְׂרִ֧ים וּשְׁמוֹנָ֛ה בָּנִ֖ים וְשִׁשִּׁ֥ים בָּנֽוֹת׃

vayye'ehav rechav'am et-ma'akha vat-avshalom mikkal-nashav ufilagshav ki nashim shemone-esre nasa ufilagshim shishim vayyoled esrim ushemona banim veshishim banot

21And Rehoboam loved Maacah the daughter of Absalom above all his wives and his concubines—for he took eighteen wives, and threescore concubines, and begot twenty and eight sons and threescore daughters.

²²וַיַּֽעֲמֵ֨ד לָרֹ֧אשׁ רְחַבְעָ֛ם אֶת־אֲבִיָּ֥ה בֶֽן־מַעֲכָ֖ה לְנָגִ֣יד בְּאֶחָ֑יו כִּ֖י לְהַמְלִיכֽוֹ׃

vayya'amed larosh rechav'am et-aviyya ven-ma'akha lenagid be'echav ki lehamlikho

22And Rehoboam appointed Abijah the son of Maacah to be chief, even the prince among his brethren; for he was minded to make him king.

²³וַיָּבֶן֩ וַיִּפְרֹ֨ץ מִכָּל־בָּנָ֜יו לְֽכָל־אַרְצ֧וֹת יְהוּדָ֣ה וּבִנְיָמִ֗ן לְכֹל֙ עָרֵ֣י הַמְּצֻר֔וֹת וַיִּתֵּ֥ן לָהֶ֛ם הַמָּז֖וֹן לָרֹ֑ב וַיִּשְׁאַ֖ל הֲמ֥וֹן נָשִֽׁים׃

vayyaven vayyifrotz mikkal-banav lekhal-artzot yehuda uvinyamin lekhol are hammetzurot vayyitten lahem hammazon larov vayyish'al hamon nashim

23And he dealt wisely, and dispersed of all his sons throughout all the lands of Judah and Benjamin, unto every fortified city; and he gave them victual in abundance. And he sought for them many wives.