1 Samuel 11 שְׁמוּאֵל א
Hebrew · transliteration · JPS 1917
1וַיַּ֗עַל נָחָשׁ֙ הָֽעַמּוֹנִ֔י וַיִּ֖חַן עַל־יָבֵ֣שׁ גִּלְעָ֑ד וַיֹּ֨אמְר֜וּ כָּל־אַנְשֵׁ֤י יָבֵישׁ֙ אֶל־נָחָ֔שׁ כְּרָת־לָ֥נוּ בְרִ֖ית וְנַעַבְדֶֽךָּ׃
vayya'al nachash ha'ammoni vayyichan al-yavesh gil'ad vayyomru kal-anshe yavesh el-nachash kerat-lanu verit vena'avdekka
Then Nahash the Ammonite came up, and encamped against Jabesh-gilead; and all the men of Jabesh said unto Nahash: ‘Make a covenant with us, and we will serve thee.’
2וַיֹּ֣אמֶר אֲלֵיהֶ֗ם נָחָשׁ֙ הָעַמּוֹנִ֔י בְּזֹאת֙ אֶכְרֹ֣ת לָכֶ֔ם בִּנְק֥וֹר לָכֶ֖ם כָּל־עֵ֣ין יָמִ֑ין וְשַׂמְתִּ֥יהָ חֶרְפָּ֖ה עַל־כָּל־יִשְׂרָאֵֽל׃
vayyomer alehem nachash ha'ammoni bezot ekhrot lakhem binkor lakhem kal-en yamin vesamtiha cherpa al-kal-yisra'el
And Nahash the Ammonite said unto them: ‘On this condition will I make it with you, that all your right eyes be put out; and I will lay it for a reproach upon all Israel.’
3וַיֹּאמְר֨וּ אֵלָ֜יו זִקְנֵ֣י יָבֵ֗ישׁ הֶ֤רֶף לָ֨נוּ֙ שִׁבְעַ֣ת יָמִ֔ים וְנִשְׁלְחָה֙ מַלְאָכִ֔ים בְּכֹ֖ל גְּב֣וּל יִשְׂרָאֵ֑ל וְאִם־אֵ֥ין מוֹשִׁ֛יעַ אֹתָ֖נוּ וְיָצָ֥אנוּ אֵלֶֽיךָ׃
vayyomru elav zikne yavesh heref lanu shiv'at yamim venishlecha mal'akhim bekhol gevul yisra'el ve'im-en moshia otanu veyatzanu elekha
And the elders of Jabesh said unto him: ‘Give us seven days’respite, that we may send messengers unto all the borders of Israel; and then, if there be none to deliver us, we will come out to thee.’
4וַיָּבֹ֤אוּ הַמַּלְאָכִים֙ גִּבְעַ֣ת שָׁא֔וּל וַיְדַבְּר֥וּ הַדְּבָרִ֖ים בְּאָזְנֵ֣י הָעָ֑ם וַיִּשְׂא֧וּ כָל־הָעָ֛ם אֶת־קוֹלָ֖ם וַיִּבְכּֽוּ׃
vayyavou hammal'akhim giv'at shaul vaydabberu haddevarim be'azne ha'am vayyisu khal-ha'am et-kolam vayyivku
Then came the messengers to Gibeath-shaul, and spoke these words in the ears of the people; and all the people lifted up their voice, and wept.
5וְהִנֵּ֣ה שָׁא֗וּל בָּ֣א אַחֲרֵ֤י הַבָּקָר֙ מִן־הַשָּׂדֶ֔ה וַיֹּ֣אמֶר שָׁא֔וּל מַה־לָּעָ֖ם כִּ֣י יִבְכּ֑וּ וַיְסַ֨פְּרוּ־ל֔וֹ אֶת־דִּבְרֵ֖י אַנְשֵׁ֥י יָבֵֽישׁ׃
vehinne shaul ba achare habbakar min-hassade vayyomer shaul ma-la'am ki yivku vaysapperu-lo et-divre anshe yavesh
And, behold, Saul came following the oxen out of the field; and Saul said: ‘What aileth the people that they weep?’ And they told him the words of the men of Jabesh.
6וַתִּצְלַ֤ח רֽוּחַ־אֱלֹהִים֙ עַל־שָׁא֔וּל בשמעו [כְּשָׁמְע֖וֹ] אֶת־הַדְּבָרִ֣ים הָאֵ֑לֶּה וַיִּ֥חַר אַפּ֖וֹ מְאֹֽד׃
vattitzlach ruach-elohim al-shaul kesham'o et-haddevarim ha'elle vayyichar appo me'od
And the spirit of God came mightily upon Saul when he heard those words, and his anger was kindled greatly.
7וַיִּקַּח֩ צֶ֨מֶד בָּקָ֜ר וַֽיְנַתְּחֵ֗הוּ וַיְשַׁלַּ֞ח בְּכָל־גְּב֣וּל יִשְׂרָאֵל֮ בְּיַ֣ד הַמַּלְאָכִ֣ים ׀ לֵאמֹר֒ אֲשֶׁר֩ אֵינֶ֨נּוּ יֹצֵ֜א אַחֲרֵ֤י שָׁאוּל֙ וְאַחַ֣ר שְׁמוּאֵ֔ל כֹּ֥ה יֵעָשֶׂ֖ה לִבְקָר֑וֹ וַיִּפֹּ֤ל פַּֽחַד־יְהוָה֙ עַל־הָעָ֔ם וַיֵּצְא֖וּ כְּאִ֥ישׁ אֶחָֽד׃
vayyikkach tzemed bakar vaynattechehu vayshallach bekhal-gevul yisra'el beyad hammal'akhim lemor asher enennu yotze achare shaul ve'achar shemu'el ko ye'ase livkaro vayyippol pachad-ADONAI al-ha'am vayyetzu ke'ish echad
And he took a yoke of oxen, and cut them in pieces, and sent them throughout all the borders of Israel by the hand of messengers, saying: ‘Whosoever cometh not forth after Saul and after Samuel, so shall it be done unto his oxen.’ And the dread of the LORD fell on the people, and they came out as one man.
8וַֽיִּפְקְדֵ֖ם בְּבָ֑זֶק וַיִּהְי֤וּ בְנֵֽי־יִשְׂרָאֵל֙ שְׁלֹ֣שׁ מֵא֣וֹת אֶ֔לֶף וְאִ֥ישׁ יְהוּדָ֖ה שְׁלֹשִׁ֥ים אָֽלֶף׃
vayyifkedem bevazek vayyihyu vene-yisra'el shelosh meot elef ve'ish yehuda sheloshim alef
And he numbered them in Bezek; and the children of Israel were three hundred thousand, and the men of Judah thirty thousand.
9וַיֹּאמְר֞וּ לַמַּלְאָכִ֣ים הַבָּאִ֗ים כֹּ֤ה תֹֽאמְרוּן֙ לְאִישׁ֙ יָבֵ֣ישׁ גִּלְעָ֔ד מָחָ֛ר תִּהְיֶֽה־לָכֶ֥ם תְּשׁוּעָ֖ה בחם [כְּחֹ֣ם] הַשָּׁ֑מֶשׁ וַיָּבֹ֣אוּ הַמַּלְאָכִ֗ים וַיַּגִּ֛ידוּ לְאַנְשֵׁ֥י יָבֵ֖ישׁ וַיִּשְׂמָֽחוּ׃
vayyomru lammal'akhim habba'im ko tomrun le'ish yavesh gil'ad machar tihye-lakhem teshu'a kechom hashamesh vayyavou hammal'akhim vayyaggidu le'anshe yavesh vayyismachu
And they said unto the messengers that came: ‘Thus shall ye say unto the men of Jabesh-gilead: To-morrow, by the time the sun is hot, ye shall have deliverance.’ And the messengers came and told the men of Jabesh; and they were glad.
10וַֽיֹּאמְרוּ֙ אַנְשֵׁ֣י יָבֵ֔ישׁ מָחָ֖ר נֵצֵ֣א אֲלֵיכֶ֑ם וַעֲשִׂיתֶ֣ם לָּ֔נוּ כְּכָל־הַטּ֖וֹב בְּעֵינֵיכֶֽם׃
vayyomru anshe yavesh machar netze alekhem va'asitem lanu kekhal-hattov be'enekhem
And the men of Jabesh said: ‘To-morrow we will come out unto you, and ye shall do with us all that seemeth good unto you.’
11וַיְהִ֣י מִֽמָּחֳרָ֗ת וַיָּ֨שֶׂם שָׁא֣וּל אֶת־הָעָם֮ שְׁלֹשָׁ֣ה רָאשִׁים֒ וַיָּבֹ֤אוּ בְתוֹךְ־הַֽמַּחֲנֶה֙ בְּאַשְׁמֹ֣רֶת הַבֹּ֔קֶר וַיַּכּ֥וּ אֶת־עַמּ֖וֹן עַד־חֹ֣ם הַיּ֑וֹם וַיְהִ֤י הַנִּשְׁאָרִים֙ וַיָּפֻ֔צוּ וְלֹ֥א נִשְׁאֲרוּ־בָ֖ם שְׁנַ֥יִם יָֽחַד׃
vayhi mimmachorat vayyasem shaul et-ha'am shelosha rashim vayyavou vetokh-hammachane be'ashmoret habboker vayyakku et-ammon ad-chom hayyom vayhi hannish'arim vayyafutzu velo nish'aru-vam shenayim yachad
And it was so on the morrow, that Saul put the people in three companies; and they came into the midst of the camp in the morning watch, and smote the Ammonites until the heat of the day; and it came to pass, that they that remained were scattered, so that two of them were not left together.
12וַיֹּ֤אמֶר הָעָם֙ אֶל־שְׁמוּאֵ֔ל מִ֣י הָאֹמֵ֔ר שָׁא֖וּל יִמְלֹ֣ךְ עָלֵ֑ינוּ תְּנ֥וּ הָאֲנָשִׁ֖ים וּנְמִיתֵֽם׃
vayyomer ha'am el-shemu'el mi ha'omer shaul yimlokh alenu tenu ha'anashim unemitem
And the people said unto Samuel: ‘Who is he that said: Shall Saul reign over us? bring the men, that we may put them to death.’
13וַיֹּ֣אמֶר שָׁא֔וּל לֹֽא־יוּמַ֥ת אִ֖ישׁ בַּיּ֣וֹם הַזֶּ֑ה כִּ֥י הַיּ֛וֹם עָשָֽׂה־יְהוָ֥ה תְּשׁוּעָ֖ה בְּיִשְׂרָאֵֽל׃
vayyomer shaul lo-yumat ish bayyom hazze ki hayyom asa-ADONAI teshu'a beyisra'el
And Saul said: ‘There shall not a man be put to death this day; for to-day the LORD hath wrought deliverance in Israel.’
14וַיֹּ֤אמֶר שְׁמוּאֵל֙ אֶל־הָעָ֔ם לְכ֖וּ וְנֵלְכָ֣ה הַגִּלְגָּ֑ל וּנְחַדֵּ֥שׁ שָׁ֖ם הַמְּלוּכָֽה׃
vayyomer shemu'el el-ha'am lekhu venelkha haggilgal unechaddesh sham hammelukha
Then said Samuel to the people: ‘Come and let us go to Gilgal, and renew the kingdom there.’
15וַיֵּלְכ֨וּ כָל־הָעָ֜ם הַגִּלְגָּ֗ל וַיַּמְלִכוּ֩ שָׁ֨ם אֶת־שָׁא֜וּל לִפְנֵ֤י יְהוָה֙ בַּגִּלְגָּ֔ל וַיִּזְבְּחוּ־שָׁ֛ם זְבָחִ֥ים שְׁלָמִ֖ים לִפְנֵ֣י יְהוָ֑ה וַיִּשְׂמַ֨ח שָׁ֥ם שָׁא֛וּל וְכָל־אַנְשֵׁ֥י יִשְׂרָאֵ֖ל עַד־מְאֹֽד׃
vayyelkhu khal-ha'am haggilgal vayyamlikhu sham et-shaul lifne ADONAI baggilgal vayyizbechu-sham zevachim shelamim lifne ADONAI vayyismach sham shaul vekhal-anshe yisra'el ad-me'od
And all the people went to Gilgal; and there they made Saul king before the LORD in Gilgal; and there they sacrificed sacrifices of peace-offerings before the LORD; and there Saul and all the men of Israel rejoiced greatly.
Sister sites
Hebrew: Westminster Leningrad Codex (ketiv shown with the qere in brackets). JPS 1917 and the Hebrew use Hebrew verse numbers; the English column uses English numbering, which sometimes differs by a verse.